Ministri i Kulturës, Rinisë dhe Sportit në Qeverinë e Kosovës, Hajrullah Çeku, ka deklaruar se punimet në stadiumin e Gjakovës po zhvillohen me dinamikë të lartë.
Përmes një postimi në rrjetet sociale, ai ka theksuar se Gjakova dhe Kosova do të kenë një stadium të nivelit ndërkombëtar, i cili do të ofrojë kushte moderne për futbollistët dhe sportdashësit.
“Me dinamikë të lartë po zhvillohen punimet në stadiumin e Gjakovës. Gjakova dhe Kosova do të kenë një stadium të nivelit ndërkombëtar, i cili do të ofroj kushte moderne për futbollistët dhe sportdashësit. Kemi ndarë nëntë milionë euro për ta përfunduar stadiumin, në bashkëpunim me Komunën e Gjakovës. Investimet në infrastrukturë sportive po vazhdojnë dhe nuk do të ndalen, si për nevoja të brendshme, po ashtu edhe në përgatitje për Lojërat Mesdhetare Prishtina 2030”, ka shkruar ai.
