Deputetja Shqipe Selimi ka thënë se në vitin 2024, njëmbëdhjetë vite pas këtyre marrëveshjeve, Qeveria e Kosovës ka marrë masa për të ndërprerë aktivitetet ilegale dhe ka mbyllur institucionet paralele të vetëqeverisjes lokale, që ende funksiononin me mbështetje financiare dhe udhëzime nga Serbia.
Ajo thotë se nuk e beson që dikush nga opozita nuk i gëzohet të arriturave në pjesen veriore të Kosovës, shkruan Reporteri.net.
Postimi i saj:
Nuk e besoj që dikush nga opozita nuk u gëzohet të arriturave tona në pjesen veriore të Kosovës?
Ose nëse mendojn se ne duhet te veprojmë dryshe le t’na tregojnë.
Për ndryshe në marrëveshjen e vitit 2013, Serbia u zotua të:
-Mbyllë të gjitha strukturat e sigurisë në Kosovë.
-Integrojë anëtarët e këtyre strukturave në institucionet e sigurisë së Kosovës.
-Integrojë autoritetet gjyqësore serbe dhe t’i bëjë ato të funksionojnë sipas ligjeve të Kosovës.
-Mbyllë të gjitha gjykatat dhe zyrat gjyqësore serbe.
-Sigurojë transparencë financiare, i gjithë financimi të vijë nga buxheti i Kosovës.
Me këto zotime, Serbia pranoi që nuk do të ketë më struktura paralele, por të gjitha do të integroheshin në sistemin e Kosovës, duke respektuar ligjet e saj.
Tani, në vitin 2024, njëmbëdhjetë vite pas këtyre marrëveshjeve, Qeveria e Kosovës ka marrë masa për të ndërprerë aktivitetet ilegale dhe ka mbyllur institucionet paralele të vetëqeverisjes lokale, që ende funksiononin me mbështetje financiare dhe udhëzime nga Serbia.
Ky veprim nënvizon se nuk mund të ketë struktura paralele që funksionojnë jashtë ligjeve të Kosovës dhe që financohen nga burime të jashtme.
