Një gjuajtje me armë raportohet se ka ndodhur në afërsi të Tregut të Gjelbër në Prishtinë të martën mbrëma.
Në këto të shtëna është plagosur një person. Policia ka thënë se ka arrestuar një të dyshuar.
“Sot rreth orës 22:40, kemi marrë informatën për gjuajtje me armë zjarri të ndodhur në rrugën ‘Maliq Pashë Gjinovci’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nga arma e zjarrit është lënduar një person. Hetuesit policor në koordinim me prokurorinë, po ndërmarrin veprimet hetimore, deri tani është arrestuar një person i dyshuar”, i ka thënë Policia.
