Policia gjermane ka njoftuar se është arrestuar një person lidhur me sulmin e djeshëm me thikë në Solingen ku u vranë 3 persona dhe u plagosën 8 të tjerë në një festival.
Në konferencën për media, policia ka njoftuar se i arrestuar është një 15-vjeçar, teksa nuk është përjashtuar mundësia që motiv i sulmit të ketë qenë terrorizmi.
Ndërkohë mediat gjermane duke u thirrur në burime të brendshme të policisë po raportojnë se dyshohet ky sulm dyshohet të jetë me motive terroriste.
Mediat gjermane “BILD” dhe “WELT AM SONNTAG” raportojnë se terroristi i dyshuar me thikë në Solingen me sa duket bërtiti “Allahu Akbar” gjatë sulmit të tij.
Kjo raportohet nga media gjermane “WELT AM SONNTAG” , duke cituar një raport të brendshëm të policisë. Këtë e ka raportuar një dëshmitar. Kjo thirrje përdoret shpesh nga islamistët në sulme terroriste.
Një nga viktimat e plagosur thuhet gjithashtu të ketë thënë se ata “e njihnin sulmuesin nga Solingen” dhe se ai ishte vizitor në një xhami lokale.
Hetuesit e cilësojnë si akt terrorist sulmin me vrasje, i cili la tre të vdekur dhe tetë të plagosur . Asnjë motiv tjetër nuk është i dukshëm aktualisht, tha prokurori i lartë publik Markus Caspers në një konferencë për shtyp të shtunën pasdite.
Deri më tani është arrestuar vetëm një 15-vjeçar , por ai nuk besohet të jetë sulmuesi. Ai akuzohet për moskallëzim të krimeve të planifikuara. Sipas informacioneve të BILD, dy dëshmitarë dëgjuan terroristin e dyshuar t’i thoshte të riut pak para krimit: “Sot do të godas me thikë të gjithë!”
Sipas “Spiegel ” , 15-vjeçari thuhet se vjen nga Kirgistani. Sipas raportit, ai u arrestua në një strehë refugjatësh dhe refuzoi të dëshmonte.
