Tashmë ka filluar blerja e teksteve shkollore nga ana e prindërve nëpër libraritë e Kosovës, tekste këto që po subvencionohen nga Ministria e Arsimit.
Ndërsa Autoritetit i Konkurrencës i Republikës së Kosovës ka paralajmëruar shtëpitë botuese se me kujdes të veçantë janë duke monitoruar zhvillimet në procesin e shpërndarjes së librave shkollor për t’i evituar shkeljet e mundshme të cilat bien ndesh me Ligjin për Mbrojtjen e Konkurrencës.
Në një komunikatë për media Autoriteti i Konkurrencës e bën të qartë se praktikat që shtrembërojnë konkurrencën janë të papranueshme (marrëveshjet e ndaluara dhe abuzimi me pozitën dominuese) dhe si te tilla do te trajtohen nga Komisioni i Konkurrencës.
Më poshtë komunikata e plotë e Autoritetit të Konkurrencës
Me respekt,
Autoriteti i Konkurrencës
Paralajmërimi i Autoritetit të Konkurrencës
Misioni i Autoritetit të Konkurrencës është të sigurojë dhe kontribuojë në funksionimin normal të tregut për konsumatorët, ndërmarrjet dhe ekonominë në tërësi përmes konkurrencës efektive në treg, duke hequr pengesat që kanë lindur ose mund të lindin duke kufizuar konkurrencën në treg.
Autoriteti i Konkurrencës është duke monitoruar me kujdes të veçantë zhvillimet në procesin e shpërndarjes së librave shkollor për t’i evituar shkeljet e mundshme të cilat bien ndesh me Ligjin për Mbrojtjen e Konkurrencës Nr. 08/L-056. Për çdo shkelje të ligjit, Autoriteti do të veproj sipas detyrës zyrtare në përputhje me nenin 37 këtij ligji për të siguruar që konkurrenca e lirë dhe e ndershme të mbrohet, dhe që të gjitha ndërmarrjet të operojnë brenda kompetencave të tij.
Autoriteti i Konkurrencës e bën të qartë se praktikat që shtrembërojnë konkurrencën janë të papranueshme (marrëveshjet e ndaluara dhe abuzimi me pozitën dominuese) dhe si te tilla do te trajtohen nga Komisioni i Konkurrencës.
Me respekt,
Autoriteti i Konkurrencës
