Sot në vendin tonë do të mbajë mot me diell dhe me temperatura tejet të larta. Temperaturat minimale do të lëvizin prej 14 deri në 18 gradë celsius, ndërsa maksimalet e ditës do të arrijnë 31 deri në 35 gradë celsius.
Indeksi UV mbetet i lartë, prandaj këshillohet që nga ora 9-17 qytetarët mos t’i ekspozohen direkt rrezeve të diellit. Sipas Institutit Hidrometeorologjik të Kosovës, javën e ardhshme temperaturat pritet të arrijnë deri në 38 gradë celsius. Ndërkohë, Ministria e Shëndetësisë ka paralajmëruar se nëse temperturat e kalojnë nivelin normal, do të rimerret vendimi për kufizimin orarit të punës për disa kategori.
