Policia e Kosovës ka njoftuar se një burrë në Pejë ka raportuar se në mëngjesin e të shtunës është sulmuar fizikisht nga bashkëshortja dhe dy djemtë e tij.
Policia e Kosovës ka bërë të ditur se burri ka marrë trajtim mjekësor, ndërsa tre të dyshuarit janë dërguar në mbajtje.
“Pejë / 27.07.2024 – 05:40. Viktima mashkull kosovar ka raportuar se është sulmuar fizikisht nga bashkëshortja dhe dy djemtë e tij. I njëjti ka pësuar lëndime trupore dhe ka pranuar tretman mjekësor. Tre personat e dyshuar janë arrestuar dhe pas intervistimit me vendim të prokurorit janë dërguar në mbajtje”, thuhet në raport.
Poashtu një rast i ngjajshëm ka ndodhur edhe në Graçanicë, ku një burrë dje ka raportuar në polici se është sulmuar fizikisht nga bashkëshortja dhe djali i tij.
Në raportin 24 orësh të policisë thuhet se viktima ka pranuar trajtim mjekësor.
Ndërsa palët e dyshuara, pas intervistimit në konsultim me prokurorin, janë liruar në procedurë të rregullt.
“Ankuesi m/kosovar ka njoftuar policinë se është sulmuar fizikisht nga bashkëshortja f/kosovare dhe djali i tij m/kosovar. Viktima ka pranuar trajtim mjekësor, ndërsa palët e dyshuara pas intervistimit në konsultim me prokurorin janë liruar në procedurë të rregullt.”, thuhet në raport”, thuhet në raportin ditor.
