Pjesa e parë mes Shqipërisë dhe Spanjës ka përfunduar me epërsinë e spanjollëve dhe janë edhe 45 minuta shpresë që Kuqezinjtë të përmbysin rezultatin.
Ferran Torres ka realizuar në minutën e 13 për ta kaluar Spanjën në epërsi ndaj Shqipërisë.
Ishte Dani Olmo që lëshoi një pasim të mirë brenda zonës së mbrojtjes shqiptare dhe me këmbën e majtë Ferran realizoi për 1 me 0.
Ndërkaq, në fund të pjesës së parë ishte Kristjan Asllani që me një goditje nga distanca provoi të realizonte, por portieri David Raya priti goditjen e fuqishme.
Shqipëria e nis takimin me Spanjën me synimin për të shkruar historinë, duke kaluar fazën e grupeve.
Është vetëm hera e dytë që Kuqezinjtë arrijnë Evropianin, teksa në vitin 2024 ishin në atë që njihej si grupi i vdekjes, i përbërë nga Spanja, Italia dhe Kroacia.
Ndeshja me “Stuhinë e Kuqe” do të jetë vendimtare sepse Shqipërisë i duhen tre pikë për të blinduar pozitën e tretë që mundëson kalimin në 1/8 e finales.
Në ndeshjen e parë humbi me rezultat 2 me 1 nga Italia, ndërkaq në të dytën barazoi 2 me 2 me Kroacinë.
Në këtë grup, kualifikimin në 1/8 e finales e kanë siguruar Spanja dhe Italia.
Në fund të grupit është Kroacia me 1 pikë, por ka golaverazh më të dobët sesa Shqipëria.
