Ambasadori i Kosovës në Gjermani, Faruk Ajeti, është shfaqur në ballinën e revistës së njohur gjermane “Business & Diplomacy”.
Në këtë edicion të revistës, Ajeti ka folur për planet euroatlantike të Kosovës.
Revista ka trajtuar profilin e ambasadorit Ajeti, që nga shkollimi i tij e deri te emërimi si ambasador.
“Jam i lumtur që, si Ambasador i Republikës së Kosovës në Gjermani, të jem i përzgjedhur në ballinën e revistës së mirënjohur gjermane “Business & Diplomacy”. Kjo revistë ka publikuar edhe disa artikuj për Kosovën, duke promovuar Republikën tonë si shembull ndriçues të ndërtimit demokratik në rajon dhe duke vlerësuar pozitivisht potencialin ekonomik që Kosova ofron” ka thënë Ajeti në njoftimin e tij.
