Majlinda Bregu, sekretare e përgjithshme e Këshillit të Bashkëpunimit Rajonal (RCC) dhe Federica Mogherini, rektore e Kolegjit të Evropës, nënshkruan sot në Tiranë një Memorandum Mirëkuptimi (MoU) për zhvillimin dhe forcimin e mëtejshëm të bashkëpunimit mes dy institucioneve.
Përmes një njoftimi për medie bëhet e ditur se takimi në mes të Majlinda Bregasit dhe Frederica Mogherini-t kishte një karakter bashkëpunimi, në krijimin e nxitja e aftësive të të rinjve janë në fokusin e agjendës së e RCC-së në ofrimin e një burse të plotë, çdo vit, për një student nga Evropa Juglindore, përfshirë Ballkanin Perëndimor, në Kolegjin e Evropës, Kampusi i Tiranës.
“Fuqizimi i kapitalit njerëzor, krijimi i mundësive të punësimit, nxitja e aftësive të të rinjve janë në fokusin e agjendës së e RCC-së, prandaj qëllimi kryesor i këtij Memorandumi është t’i mundësojë RCC-së ofrimin e një burse të plotë, çdo vit, për një student nga Evropa Juglindore, përfshirë Ballkanin Perëndimor, në Kolegjin e Evropës, Kampusi i Tiranës. Kjo është një iniciativë që ndërmerret për herë të parë nga RCC. Është një ndërmarrje më shumë nga çfarë kemi bërë deri tani për agjendën rinore – përmirësimin e politikave, programet e lëvizshmërisë, praktika pune të paguara – më shumë se 30 studentë kanë qenë praktikantë në RCC-, biseda të hapura, vizita në universitete, etj.,” tha Bregu.
Ndërkaq, nga ana e saj Mogherini shprehet e kënaqur që Këshilli i Bashkëpunimit Rajonal ka vendosur të mbështesë Kolegjin e Evropës në ngritjen historike të kampusit tonë të ri në Tiranë, nëpërmjet një skeme të re bursash.
“Ne jemi të lumtur që Këshilli i Bashkëpunimit Rajonal ka vendosur të mbështesë Kolegjin e Evropës në ngritjen historike të kampusit tonë të ri në Tiranë, nëpërmjet një skeme të re bursash. Misioni i Kolegjit të Evropës drejt integrimit të mëtejshëm evropian është në përputhshmëri të plotë me misionin e Këshillit të Bashkëpunimit Rajonal, i cili ka punuar pa u lodhur drejt integrimit të plotë evropian të anëtarëve të tij që nga krijimi i tij. Ndërsa kampusi ynë do të rritet në vitet e ardhshme, ne jemi të përkushtuar të eksplorojmë më tej këtë partneritet dhe të mbështesim njëri-tjetrin për të maksimizuar ndikimin tone.”- tha Mogherini.
Tutje, bëhet e ditur se bursa e ofruar nga RCC do të mbulojë tarifën për shkollimin, akomodimin dhe ndër të tjera, udhëtimet studimore akademike. “Studenti i mbështetur do të zgjidhet nëpërmjet aplikimit, në përputhje me kërkesat e Kolegjit të Evropës. Kurset do të fillojnë në gusht”, thuhet në njoftim.
