Aktorja dhe deputetja e Kuvendit të Kosovës nga radhët e Vetëvendosjes, Adriana Matoshi ka bërë një reagim në rrjetet sociale pasi një lajm i rremë që pretendonte se ajo kishte vdekur ka filluar të qarkullojë në TikTok.
Me një postim të shpejtë dhe të drejtpërdrejtë në InstaStory, Matoshi shprehi pakënaqësinë e saj ndaj këtij dezinformimi.
“Ka shumë njerëz që ma duan vdekjen, por para Zotit s’po mundeni kurrqysh me dalë, çka me bo që ai po don unë me jetu fuqishëm?”, shkroi Matoshi, duke shprehur jo vetëm gjendjen e saj shpirtërore ndaj këtij incidenti, por edhe besimin që ka në jetën dhe forcat më të larta.
Ajo nuk përmbajti habinë e saj se si mund të shkojë dikush aq larg sa të shkruajë informatë të rrejshme të tilla, dhe madje të bëjë një gabim aq të thjeshtë si shkrimi i gabuar i emrit të saj.
“Me D e kam emrin o popull. ADriana sa herë me ju tregu?”, shtoi Matoshi me një dozë humori, duke iu referuar rolit të saj të njohur në serialin e njohur kosovar “O Sa Mirë”.
Reagimi i Matoshit ka ngritur çështjen e dezinformimit në rrjetet sociale dhe nevojën për të qenë më të kujdesshëm me lajmet që ndajmë dhe besojmë.
Ndërsa ajo vazhdon të jetë një figurë publike aktive dhe e dashur për shumë, incidenti i ka kujtuar të gjithëve se fama mund të vijë edhe me sfidat e saj unike në epokën digjitale.
