Administrata Tatimore e Kosovës, ka njoftuar se është rritur numri i të hyrave tatimore në 25.8 milionë euro, dhe që institucioni kryesor për mbushjen e arkës së shtetit vazhdon të performoj në mënyrë të shkëlqyer në drejtim të rritjes së mbledhjes së të hyrave tatimore.
“Profesionalizmi, implementimi i legjislacionit tatimor, llogaridhënia, rritja e shërbimeve digjitale, partneriteti me qytetar në raportimin e rasteve korruptive, janë disa nga faktorët të cilët kanë ndikuar në rritjen e trendit të të hyrave tatimore dhe uljen e statistikave të evazionit fiskal”, thuhet nga ATK në postimin në Facebook.
Mbledhja e të hyrave për periudhën janar-mars 2024, kap shifrat prej 236.2 milionë euro, dhe në krahasim me periudhën e njëjtë të vitit të kaluar, kemi rritje për 25.8 milionë euro apo 12.2%.
Si përfundim, ATK falënderon të gjithë tatimpaguesit, të cilët i kryejnë saktë dhe me kohë obligimet tatimore!
