Ministri i Bijqësisë Faton Peci ka reaguar pas skandalit të denoncuar nga emisioni investigativ “Stop” në Tv Klan ku mishi me origjinë nga Brazili, importohet nga Kosova nga kompania “Apetit shpk”. Më pas, në etiketë shkruhet se është mish i freskët nga Kosova. Në këtë skandal dyshohet të jetë i përfshirë edhe një inspektor i Agjencisë së Ushqimit dhe Veterinës në mashtrim e manipulim të dokumenteve zyrtare.
Nëpërmjet një reagimi në facebook Peci ka thënë se Inspektori ne fjalë është dërguar në komision disiplinor ndërsa operatorit ekonomik i është vendosur masa e ndalesës për eksport-import
“Mbrëmë dhe sot është raportuar për dyshimin e përfshirjes së një operatori ekonomik të prodhimit dhe tregtimit të mishit dhe mundësisë së përfshirjes së një inspektori të Agjencisë së Ushqimit dhe Veterinës në mashtrim e manipulim të dokumenteve zyrtare.
Pa dashur të paragjykojmë të vërteten si dhe duke u nisur nga parimi i prezumimit të pafajsisë, ne nuk kemi qëndruar duarkryq por i kemi ndërmarrë të gjitha veprimet paraprake institucionale.
Inspektori ne fjalë është dërguar në komision disiplinor ndërsa operatorit ekonomik i është vendosur masa e ndalesës për eksport-import”
Peci ka thënë se për t’i vërtetuar këto dyshime është formuar komisioni profesional i cili do të bëjë auditimin, gjurmueshmërinë dhe përputhshmërinë e të gjitha hyrje-daljeve të operatorit ekonomik.
Njëherit ministri Peci ka thënë se për këtë çështje janë njoftuar edhe institucionet e tjera shtetërore dhe në rast të konfirmimit të këtyre pretendimeve të gjithë gjithë individët e involvuar si dhe operatori ekonomik do të perballen me pasoja ligjore dhe administrative
“Për ta vërtetuar dyshimin e ngritur, është formuar komisioni profesional i cili do të bëjë auditimin, gjurmueshmërinë dhe përputhshmërinë e të gjitha hyrje-daljeve të operatorit ekonomik.
Po ashtu janë informuar edhe autoritete tjera si Dooganat e Kosovës dhe ATK të cilat do të gjurmojnë për pjesën e mandatit të tyre dhe në të njëjtën kohë do e mbështesim njëra-tjetrën, me të dhënat rreth të gjeturave që burojnë nga kontrollet e detajuara.
Në rast të konfirmimit të pretendimeve të gjithë individët e involvuar si dhe operatori ekonomik do të perballen me pasoja ligjore dhe administrative” ka shkruar Peci në reagimin e tij.
