Korporata Energjetike e Kosovës (KEK) ka nënshkruar marrëveshjen për zbatimin e projektit të parkut solar 100 MW, në vlerë prej 103.7 milionë euro.
Në njoftimin e ministrisë së Ekonomisë, thuhet se nga shuma 103.7 milionë euro: 10 milionë euro janë nga mjetet vetanake të KEK-ut, 33 milionë euro kredi nga Banka Evropiane e Investimeve (EIB), sipas marrëveshjes financiare me Ministrinë e Financave, 29 milionë euro kredi nga banka zhvillimore gjermane KfW dhe 31,7 milionë euro grant përmes Kornizës së Investimeve të Ballkanit Perëndimor (WBIF).
Ministrja e Ekonomisë, Artane Rizvanolli ka theksuar se përderisa synojnë të kenë një tranzicion të drejt energjetik, KEK-un si ndërmarrjen kryesore të sektorit të energjisë nuk mund ta lënë pas, por synojnë që ta transformojnë, që t’i përshtatet një sektori më modern e inovativ të energjisë.
