Në mbledhjen sotme të Komisionit të Pavarur për Media, pikë e rendit të ditës ishte edhe shqyrtimi i letrës së Premier Ligës dërguar Komisionit Parlamentar të Kuvendit të Kosovës.
Në mes debateve të ashpra në mes anëtareve të KPM-së dhe të udhëheqësve të zyrës ligjore të këtij institucioni me propozimin e kryetarit të KPM-së, Jeton Mehmeti KPM urdhëroi operatorin Art Motion t’i ndërpresë transmetimin e kanaleve sportive të Arena sport të Telekom Serbisë, deri në respektim të plotë të rregulloreve të KPM-së.
Votimi u bë në mënyrë unanime nga pesë anëtarët e bordit të KPM-së.
Gjithashtu, KPM ka obliguar zyrën ekzekutive të këtij institucioni që të fillojë hetimet administrative EX-officio ndaj të gjithë operatorëve që transmetojnë Ligat e huaja në Kosovë, standartet e njëjta pastaj të aplikohen edhe ndaj operatoreve të tjerë për të pare apo shpërndajnë apo transmetojnë ndeshje në territorin e Kosovës pa autorizim të Premier Ligës.
Javë më parë, nga Komisioni Parlamentar i Medias, u bë e ditur se operatori Art Motion ka transmetuar jashtëligjshëm Premier Ligën angleze në Kosovë dhe se nuk ka të drejtë trasmetimi.
