Pas vizitës në Britani të Madhe, kryeministri i vendit, Albin Kurti ka udhëtuar për në Romë të Italisë, ku do të mbahet Kongresi i Partisë së Socialistëve Evropian (PES), i përqendruar rreth zgjedhjeve evropiane të 9 qershorit 2024.
Aty, kryeministri Kurti do të takohet me kryetarë të partive simotra anëtare të PES-it, me kandidatë të rinj, si dhe me anëtarë të grupit të Parlamentit Evropian Socialistë Demokratë (PES).
Ndryshe, të mërkurën dhe të enjten Tirana ishte nikoqire e Samiti për Ukrainën dhe asaj për integrimin e Ballkanit Perëndimor në BE.
Për shkak të vizitës së tij jashtë vendit, Kurti nuk kishte marr pjesë në këtë samit, por ishte i pranishëm vetëm virtualisht.
Lidhur me mospjesëmarrjen e tij në Samitin në Tiranë, Kurti është kritikuar ashpër nga partitë opozitare.
