Luciano Spalletti pasoi Roberto Mancinin në fillim të shtatorit dhe u bë përzgjedhës i Italisë, me të cilin do të luajë në Euro 2024, ku italianët do ta mbrojnë titullin e fituar në vitin 2021 në grup me Kroacinë, Spanjën dhe Shqipërinë.
Në një intervistë për La Gazzetta dello Sport, Spalletti deklaroi se “dëshiron të fitojë Kampionatin Evropian dhe më pas Kupën e Botës”.
“Ne nuk do të shkojmë në Gjermani për të marrë pjesë, por për të fituar. Historia jonë e kërkon këtë. Për të pasur sukses. Më këtë, lojtarët e mi duhet të bëhen më të mirë se sa janë. Nuk kam kohë për t’i stërvitur, na duhet diçka për të ndezur një zjarr, ata duhet të besojnë se mund ta bëjnë këtë”.
Spalletti vuri në pah Anglinë, Francën, Spanjën dhe Gjermaninë si kombëtare të fuqishme, duke thënë se Italia mund të jetë në nivelin e tyre.
“Disa lojtarë menduan se Spalletti leh por nuk kafshon. E kishin gabim dhe tani duhet të sqarojmë disa gjëra. Ata duhet të lënë PlayStations në shtëpi”.
“Nëse është në modë të luash PlayStation nga ora 4 e mëngjesit, dhe të nesërmen është ndeshja, atëherë kjo nuk është mirë”, ka thënë ndër të tjera Spalletti.
Ai ka vendosur edhe rregulla të tjera për lojtarët që do të aplikohen gjatë tubimit në Euro 2024.
Spalletti, i cili fitoi Serinë A me Napolin sezonin e kaluar ka bërë karrierën me Empolin, Sampdoria, Venezia, Udinese, Ancona, Roma, Zenit dhe Interin.
