Deputeti i Lëvizjes Vetëvendosje, Mefail Bajqinovci, ka thënë se veriu i Kosovës është transformuar nëse krahasohet me vitin 2019.
Ai ka thënë të mërkurën në “Konfront” se kryeministri Albin Kurti e ka bërë të pamundurën për këtë çështje, duke shtuar se Policia e Kosovës tash patrullon në çdo lokacion në veir.
Kurti ka bërë të pamundurën për këtë çështje, kur për 20 vjet janë neglizhuar e kemi pasur një veri të ndarë. Kanë figuruar uniformat, e policët kanë punuar për institucionet e Serbisë. Kjo veç është faktuar kur i lanë institucionet e një pjesë e tyre morën pjesë në sulmin ndaj rendit kushtetues dhe u vra polici Afrim Bunjaku. Nëse e krahasojmë një veri të 2019-s dhe të 2024-s, kemi një veri totalisht të transformuar. Kemi një veri ku në 4 komunat me shumicë serbe, ka kërkesa për çështje pikërisht problematike ditore të serbëve lokalë. Sot policia patrullon në çdo lagje e sokak e s’ka ndonjë problem. Përpara s’kanë guxuar të ndalohen as me automjet”, ka shtuar deputeti i partisë në pushtet.
