Qytetari, Besart Ramadani, ka dorëzuar padi kundër Komunës së Fushë Kosovës për shkak të mungesës së infrastrukturës që ua vështirëson qasjen personave me aftësi të kufizuar.
Ai ka thënë se telashet e këtij komuniteti nisin që nga momenti kur dalin nga shtëpia, pasi në shumicën e institucioneve mungojnë pjerrinat që ua lejojnë qasjen personave me aftësi të kufizuara.
Sipas tij mungojnë edhe parkingjet për këtë kategori, tualetet dhe se edhe trotuaret janë të ndërtuara në atë mënyrë që ua vështirëson lëvizjen.
