Kryeministri i Kosovës Albin Kurti dhe ministrja e Ekonomisë, Artane Rizvanolli me rastin e fundvitit kanë vizituar Telekomin e Kosovës, ku janë njoftuar me arritjet dhe sfidat e këtij institucioni për vitin 2023.
Në këtë vizitë, kryeministri Kurti dhe ministrja Rizvanolli u pritën edhe nga kryeshefja e Telekomit, Burbuqe Hana si dhe menaxhmenti e bordi i kësaj kompanie.
Ditë më parë, Gjykata Komerciale e kishtë kthyer në rigjykim çështjen e Z-mobile – Dardafon, ku kishte kërkuar nga Telekomi i Kosovës t’i paguante borxhin prej 5.7 milionë euro.
Për këtë çështje, gazetari i KosovaNews ka pyetur kryeshefen e Telekomit të Kosovës Burbuqe Hana, se a janë paguar të gjitha paratë, shuma prej 30 milionë euro nga vendimi i Gjykatës së Arbitrazhit ndaj kompanisë së Dardafon, Z-mobile.
Në anën tjetër, për këtë kryeshefja Burbuqe Hana tha se Telekomi i Kosovës, jo vetëm që e ka paguar kompaninë e z-mobile por edhe e ka mbi paguar, që sipas saj kishte tentime që kjo çështje ndaj Telekomit të Kosovës të jetë skandaloze.
“ Këtij pretendimit prej 5.6 milionë të cilën e ka kërkuar z-mobile ju kemi përgjigjur tri herë me ankesë të argumentuar, qartasi ku kemi dhënë të gjitha informacionet se jo vetëm që janë paguar, por edhe janë mbi paguar të gjitha. Kështu që fatmirëshisht , sistemi i drejtësisë këtë herë triumfoj edhe në minutën e fundit praktikisht sepse ishim para përmbarimit edhe pse vendimi i gjykatës ishte me 13 nëntor të këtij viti, administrimi i informacionit nuk na ka ardhur edhe pse duhet që brenda 8 ditëve me u shpërnda lëndë, nuk kemi pasur informacion të aktvendimit i cili e ka aprovu në tërësi ankesën e telekomit edhe e ka kthy në rishqyrtim dhe e ka ndërru, natyrisht gjykatësin i cili për herën e tretë ka marrur tentim skandaloz dhe po shpresojmë që tani me gjyqtarë të rinj me ekspertizë të re financiare dhe profesionale me në fund do të iu vie edhe fundi gjithë këtij terrori që iu është bërë Telekomit të Kosovës”, ka thënë kryeshefja e Telekomit të Kosovës, Burbuqe Hana.
