Instituti Kombëtar i Shëndetësisë Publike të Kosovës (IKShPK) ka bërë të ditur se ajri mbrëmë në Prishtinë ka qenë i pashëndetshëm.
Si masë preventive, IKShPK-ja i ka ftuar qytetarët që të reduktohen daljet në qytet dhe në vendet e tjera me ajër të ndotur.
“Sidomos në mëngjes dhe mbrëmje, e sidomos personat që kanë sëmundje kronike të sistemit kardiovaskular dhe respirator, fëmijët dhe shtatzënat”, thuhet në njoftimin e IKShPK-së.
Sipas IKShPK-së, indeksi i cilësisë së ajrit mbrëmë në Prishtinë është 177.
