Një aksion tjetër i njësive përkatëse nga Policia e Kosovës është duke u zhvilluar gjatë ditës së sotme në pjesën veriore të vendit, përkatësisht në Zubin-Potok.
Ministri i Punëve të Brendshme, Xhelal Sfeçla tha se nga aksioni i sotëm është shkatërruar me sukses laboratori i radhës i substancave narkotike në Zubin Potok, respektivisht në fshatin Kovaçi.
“Nga njësitet relevante deri tash janë arrestuar 6 persona, (5 të etnisë serbe dhe 1 i etnisë gorane) si dhe janë sekuestruar 50kg marihuanë e gatshme dhe 100 fije duke u përpunuar”, bëri të ditur ai.
Ministri Sfeçla tha se angazhimi në luftimin e çdo lloj krimi do të vazhdojë me intensitet të shtuar në tërë territorin e Republikës së Kosovës pa asnjë dallim./KosovaNews/
https://www.facebook.com/100063788556625/videos/pcb.445933974209551/851006855865912
