Naim Murseli është arrestuar si i dyshuar për vrasjen e bashkëshortes së tij, Liridona Murseli, së bashku me një person tjetër që dyshohet ta ketë paguar.
Flora Ahmeti, zëdhënëse në Policinë e Kosovës për rajonin e Prishtinës, ka konfirmuar se aksioni i policisë është duke u zhvilluar në Gjakovë.
Koha raporton se autori që dyshohet se ka kryer vrasjen e ka pranuar në Polici veprën dhe ka thënë se është paguar nga Murseli.
Murseli dhe autori i dyshuar janë bashkëfshatar mes vete.
“Pas përfundimit të ekzaminimit të vendit të ngjarjes, janë ndërmarrë veprimeve intensive hetimore të cilat kanë rezultuar në arrestimin e dy personave të dyshuar lidhur me rastin e sipër shënuar.Njësiti i hetimeve të përgjithshme të Prishtinës në koordinim me Prokurorinë është duke e vazhduar operacionin e bastisjes në dy lokacione në Gjakovë“, tha ajo.
Kujtojmë se, Liridona Murseli dyshohet se u vra me armë zjarri nga hajnat, të cilët ua zunë priten derisa ajo së bashku me familjen e saj po udhëtonin me veturë .
Viktima, nënë e dy fëmijëve, është varrosur sot në Cermjan të Gjakovës.
