Policia e Kosovës gjatë një operacioni për kapjen e të dyshuarve është detyruar të përdorë mjetet e saj për intervenime dhe kështu dyshohet se është vrarë njëri nga grabitësit e argjendarisë në Suharekë.
Aty dyshohet se është plagosur edhe një zyrtar i Policisë së Kosovës, i cili është jashtë rrezikut për jetë.
Personi që dyshohet se ka mbetur i vrarë është me inicialet D.G, raporton rtv dukagjini.
Kujtojmë se katër ditë ditë më parë Policia e Kosovës ka arrestuar personin e tretë, kurse para pesë ditësh dy të dyshuarit e parë për grabitjen në Suharekë, ku u plagos një polic dhe një tjetër mbeti i lënduar. Për arrestimin raportoi eksluzivisht KosovaNews.
