Zëvendëskryeministri, Besnik Bislimi ka thënë se Kosova beson në të ardhmen evropian dhe duhet t’i jepet mundësia që ta dëshmojë.
Ai ka thënë se janë bërë hapa për anëtarësimin në BE.
Gjatë diskutimeve në Kuvend për Raportin e Komisionit Evropian për Kosovën për vitin 2023, zv.kryeministri Bislimi ka shtuar se angazhimi i Qeverisë ndaj BE-së është i madh.
“Ne e përkrahim pakon për zgjerimin e Ballkanit Perëndimor në BE. Nuk duhet të ketë fonde e përfitime pa i përqafuar vlerat e BE-së. Ne besojmë se masat në fuqi kanë pasur efekt në raport. Është e rëndësishme që BE-ja t’i heq këto masa”, ka thënë ai.
Sipas tij, Raporti e përgëzon Kosovë për politikën e jashtme për vendosjen e sanksioneve ndaj Rusisë.
“Kosova është lavdëruar edhe për bashkëpunimin rajonal”, ka thënë ai.
