Një ndeshje e zjarrtë u zhvillua sonte në stadiumin ”Rams Park” në Stamboll.
Plotë gjashtë gola u shënuan në ndeshjen Galatasaray – Manchester United, e cila përfundoi me barazim 3-3.
Garnacho hapi serinë e golave në minutën e 11-të, ndërsa Fernades dyfishoi epërsinë shtatë minuta më vonë.
Ziyech ngushtoi rezultatin për Galatasarayn në minutën e 29-të, duke shënuar një gol të bukur nga gjuajtja e lirë. Me rezultat 1-2 u mbyll pjesa e parë.
Me të nisur pjesa e dytë, United riktheu epërsinë e dy golave me McTominay i cili shënoi në minutën e 55-të.
Ky gol nuk i demoralizoi futbollistët e Gallatës, të cilët arritën të barazonin rezultatin.
Zyvich shënoi përsërsi nga gjuajtja e lirë në minutën e 62-të, ndërsa Akturkoglu barazoi shifrat në 3-3 pas gjashtë minutave.
Galatasaray me këtë barazim renditet në vendin e dytë të tabelës në Grupi A, me 5 pikë, ndërsa Manchester United është e fundit me 4 pikë, aq sa ka edhe Copenhagen.
