Ushtarakë nga Forca e Sigurisë së Kosovës së bashku me ministrin e Mbrojtjes, Ejup Maqedonci dhe zyrtarë tjerë të kësaj ministrie kanë bërë homazhe në kompleksin memorial në Prekaz në nderim të sakrificës së familjes Jashari dhe të gjithë të tjerëve të rënë për lirinë dhe pavarësinë e Kosovës.
“Me rastin e Shpalljes së Pavarësisë së Shqipërisë, daljes publike të Ushtrisë Çlirimtare të Kosovës dhe ditëlindjes së Komandantit legjendar Adem Jashari, sot udhëheqës të lartë të Ministrisë së Mbrojtjes dhe FSK-së, gjeneralë e oficerë të FSK-së, si dhe zyrtarë të lartë të Ministrisë së Mbrojtjes bënë homazhe në kompleksin memorial në Prekaz në nderim të sakrificës së familjes Jashari dhe gjithë të rënëve për Liri dhe Pavarësinë e Kosovës”, thuhet në njoftim.
