Kryeministri i Kosovës, Albin Kurti, sot në orën 16:00 do të takohet me përfaqësuesit e Njësisë Speciale Intervenuese për të diskutuar për kërkesat e tyre pas protestës së mbajtur më 1 nëntor.
Kështu raportojnë mediat vendore, ndërsa deri tani nhuk është dhënë informacion zyrtar nga Qeveria e Kosovës.
Pjesëtarët e Njësitit Special Intervenues, njësiti më elitar i Policisë së Kosovës, patën protestuar para ndërtesës së Qeverisë të Kosovës më 1 nëntor, duke kërkuar ndryshim të kategorizimit të vendeve të punës dhe shtesa më të mëdha të rrezikshmërisë.
Ata paralajmëruan edhe një protestë për në 7 nëntor, por e cila u pezullua pasi pati premtim nga Kurti për t’i pritur në takim.
Një ditë më parë, kryetari i Sindikatës së Policisë së Kosovës, Imer Zeqiri, ka thënë se ende s’ka një ditë të caktuar mbi takimin e kryeministrit Kurti me përfaqësuesit e zyrtarëve policorë.
