Ministrja e Drejtësisë, Albulena Haxhiu, ka njoftuar se në Prekaz të Poshtëm janë gjetur mbetjet mortore të tre personave që dyshohet se janë të luftës së fundit.
“Ekipet e Institutit të Mjekësisë Ligjore me mbështetjen e EULEX, KQPZH dhe PK, kanë lokalizuar mbetjet kockore të së paku tre individëve të cilët dyshohet se janë nga lufta e fundit në Kosovë”, ka njoftuar Haxhiu.
Sipas saj, mbetjet do të dërgohen në IML për vazhdimin me procedurat e ekzaminimit dhe indentifikimit mjekoligjor.
“Në vendin ku janë gjetur mbetjet mortore, punimet do të vazhdojnë edhe ditëve në vijim”, ka shtuar ajo.
