Është inauguruar Qendra Rinore në Deçan, e cila është hapësirë e re multifunksionale.
“Qendra ofron ambiente moderne për aktivitete sportive, muzikore, teatrale, si dhe hapësira për takime dhe punëtori, duke krijuar kështu një mjedis të përshtatshëm për organizimim e shumë aktiviteteve rekreative”, njofton MKRS.
Sipas njoftimit, MKRS ka mbështetur Komunën e Deçanit duke alokuar shumën prej 365,000 euro për ndërtimin e Qendrës Rinore.
“Gatishmëria e Ministrisë janë gjithmonë aty, por funksionon kur gatishmëria dhe vullneti i Komunës dhe kryetarit janë të plota. Për këtë kompleks që e kemi përuru, jam shumë i lumtur, sepse gërshetojmë rininë tonë, artistët e sportin. Ky kompleks është shumë i rëndësishëm, jo veç për Deçanin, uroj ta gëzojnë të rinjtë e krejt Kosovës”, thotë Ministri Çeku në videon e shpërndarë nga institucioni.
