Gjykata Themelore e Gjakovës ia ka caktuar masën e paraburgimit prej një muaji pronarit të lokalit në Malishevë ku të premten dyshohet se u helmuan 205 qytetarë.
Zëdhënësi i Gjykatës Themelore të Gjakovës, Lekë Muqaj konfirmoi se K.Sh. dyshohet për veprën penale “prodhim dhe vënie në qarkullim të artikujve të dëmshëm ushqimor”.
Masa e paraburgimit, të dyshuarit K.Sh., i është caktuar nga gjykatësi i procedurës paraprake, Njazi Morina.
Masa e paraburgimit i llogaritet nga 13 tetori.
Në QKMF të Malishevës 205 qytetarë kanë kërkuar ndihmë mjekësore, me shenja helmimi.
