Presidentja e vendit Vjosa Osmani pas takimit që ka zhvilluar me senatorët amerikanë dhe konferencës që mbajti bashkë me ta, ka bërë edhe një reagim në rrjetin social.
Ajo tha se “Amerika qëndron me Kosovën” dhe se këtë mesazh sollën senatorët.
“Amerika qëndron me Kosovën” ishte mesazhi që sot sollën Senatorët Shaheen dhe Welch, në këtë kohë sfidash për vendin tonë.
Populli i Kosovës i është mirënjohës përjetë Shteteve të Bashkuara të Amerikës për përkrahjen e palëkundur në mbrojtjen e Kosovës së pavarur, sovrane, multietnike e të integruar në strukturat euro-atlantike”, ka shkruar Osmani në rrjetin social.
