Nënkryetarja e PDK-së, Vlora Çitaku, ka përshëndetur veprimin e parlamentit të Maqedonisë së Veriut, i cili kaloi propozimin francez. Me anë të kësaj, Shqipërisë dhe Maqedonisë së Veriut parashihet t’i hapet rruga për negociata për anëtarësim në BE.
Çitaku, me anë të një postimi në ‘Twitter’, ka përkujtuar, siç e cilësoi ajo, përvojën e hidhur të Kosovës me çështjen e mos-liberalizimit të vizave, teksa ka shpresuar se unioni evropian do t’i mbajë premtimet.
LEXO EDHE: Kuvendi i Maqedonisë miraton propozimin francez, i hapet rruga nisjes së negociatave me BE-në
“Parlamenti i Maqedonisë së Veriut sapo i dha dritën e gjelbër propocizimit francez. Kjo do të zhbllokojë hapat e anëtarësimit të Shqipërisë dhe Maqedonisë së Veriut. Tani, të shpresojmë se BE-ja do ta mbajë premtimin”, ka shkruar Çitaku në cicërimën e saj.
“Ne në Kosovë kemi eksperiencë të hidhur me liberalizimin e vizave, por shpresoj që kjo do të krijojë një momentum të ri në Ballkanin Perëndimor”, përfundon postimi i saj.
Parliament of North Macedonia ?? just gave the green light to the french proposal.
— Vlora Çitaku ? (@vloracitaku) July 16, 2022
This will unlock the accession steps for Albania ?? and North Macedonia ??. Now, lets hope EU keeps its promise.
