Një pronar kompanie në Prishtinë, i ka zbuluar dy punëtorët e tij duke tentuar ta mashtrojnë atë se kinse kanë rezultuar pozitiv në testin PCR për koronavirus, raporton KosovaNews
KosovaNews mëson se bëhet fjalë për punëtorët e një kompanie ‘Call Center’, të cilët kanë falsifikuar testet për COVID-19 në emrin e një nga laboratorëve privatë në kryeqytet.
Kjo u zbulua nga pronari i kompanisë, i cili me anë të një telefonate në laborator kërkoi të dijë nëse punëtorët e tij kanë kryer testet aty dhe të njëjtit kanë dalë positive
Por kjo është mohuar nga laborantja, e cila ka bërë të ditur se këto teste nuk janë kryer në laboratorin në fjalë.
Për këtë ajo ka njoftuar Policinë e Kosovës, me ç’rast me urdhër të prokurorit është iniciuar rasti ‘Falsifikim i dokumenteve’.
