Kryesia e Kuvendit të Kosovës ka vendosur që të enjten e 21 korrikut të mbahet vazhdimi i seancës me pikat e patrajtuara.
Pas kësaj, do të hapet edhe seanca e re.
Këtë e ka bërë të ditur shefja e grupit parlamentar të Lëvizjes Vetëvendosje, Mimoza Kusari-Lila, e cila tha se seanca e parë nis në orën 10:00 dhe tjetra pas saj.
Në seancë, do të ketë edhe debat parlamentar lidhur me mosliberalizimin e vizave për Kosovës dhe njëra ndër pikat do të jetë edhe mocioni i Vetëvendosjes për adresimin e rezolutës e cila merret me masat për rritjen e çmimeve.
Pikat që do të diskutohen në seancën e 21 korrikut në Kuvend.
Kuvendi do të trajtojë pikat e mbetura nga seanca e djeshme e Kuvendit të Kosovës, si dhe menjëherë pas saj vazhdon seanca e re e Kuvendit të Kosovës.
Në seancën e re, në rend të ditës në shqyrtim të dytë janë:
1. Projektligji për biocidet
2. Projektligji për ushqimet
Në seancë do të shqyrtohen raportet vjetore të:
1. Agjencisë për Informim dhe Privatësi për vitin 2021,
2. Ndërmarrjes publike Operatori i Sistemit, Transmisionit dhe Tregut, KOSTT për vitin 2021
Do të shqyrtohet raportet e Qeverisë:
1. Për shqyrtimin e Planit Hapësinor të Kosovës
2. Për shqyrtimin e Planit Hapësinor për Parkun Kombëtar “Sharri”.
Në seancën e radhës, do të trajtohet mocioni i propozuar nga Grupi Parlamentar i Lëvizja VETËVENDOSJE! për adresimin e rezolutës e cila merret me masat për rritjen e çmimeve, si dhe do të mbahet debat parlamentar në lidhje për mos liberalizmin e vizave.
Sot Kryesia e Kuvendit është dakorduar për mbështetje të mocionit procedural për shqyrtimin e Marrëveshjes për ratifikimin e bashkëfinancimit për studimin e fizibilitetit për linjën hekurudhore “Durrës-Prishtinë”.
