KosovaNews në orët e mbrëmjes raportoi ekskluzivisht për arrestimin e shefit të personelit në Komunën e Prishtinës , Fadil Aliu- Heretica. Heretica me vendim te prokurorit është derguar në mbajtje për 48 ore.
Poashtu policia e ka ftuar për tu intervistuar në cilësinë e të dyshimtit edhe nënkryetarin e Komunës së Prishtinës Alban Zogaj.
Sipas burimeve të KosovaNews brenda policisë së Kosovës tashmë ka përfunduar intervestimi i Zogajt dhe për momentin është lënë i lirë. Mirëpo sipas burimeve hetimet për të do të vazhdojnë në ditët në vijim pasiqë ende janë duke u sigururar provat.
Prokuroria Themelore në Prishtinë sot gjatë ditës ka njoftuar se pas ndërmarrjes së veprimeve hetimore në koordinim të plotë më Policinë e Kosovës – Departamenti për Hetimin e Krimeve Ekonomike dhe Korrupsion në Prishtinë, ka lëshuar aktvendim mbi ndalimin e dy personave, V.M. dhe V.M., nën dyshimin se të njëjtit në cilësinë e zyrtarëve të lartë të QPS-së në Prishtinë kanë kryer veprën penale “Keqpërdorimi i pozitës apo autoritetit zyrtar”.
Sipas Prokurorisë, të njëjtit dyshohen se gjatë ushtrimit të detyrave të tyre zyrtare, në mënyrë të kundërligjshme, kanë punësuar rreth 10 persona në këtë institucion, si dhe në mënyrë të kundërligjshme e kanë caktuar si menaxher për trajtimin e një rasti të dhunës seksuale, njërën nga të punësuarat përkundër faktit se e angazhuara nuk i kishte plotësuar kushtet ligjore për të trajtuar një rast të tillë dhe të ndjeshëm.
“Prokuroria në koordinim të plotë me Policinë është duke vazhduar me ndërmarrjen e veprimeve të mëtejshme hetimore lidhur me këtë çështje penale”, thuhet në njoftim
