Trajneri i Al-Ettifaq, Steven Gerrard e ka përjashtuar mundësinë që klubi që ai menaxhon të nënshkruajë me Mason Greenwood nga Manchesteri këtë verë
Të hënën, United konfirmoi që Greenwood do të largohet nga klubi, pas një hetimi të brendshëm gjashtë mujor të Djajve të Kuq. Sulmuesi ishte suspenduar në janar 2022 pasi që ishte arrestuar me dyshimet për sulm seksual dhe dhunë në familje.
Në shkurt 2023, akuzat ndaj tij për tentim dhunim, sulm dhe kontroll të shtatzënisë u hodhën poshtë.
Pas kësaj United konfirmoi që Greenwood do të largohet nga Old Trafford, u raportua se skuadra saudite, Al-Ettifaq është e interesuar për të nënshkruar më të. Megjithatë, Gerrard – i cili e drejton këtë klub që në korrik – i ka dhënë një dush të ftohtë këtyre thashethemeve të martën.
“Lajm i rremë”, shkroi ai në një postim në Instagram ku shihet një lajm që lidhte Greenwoodin me kalimin në Al-Ettifaq. Për më tepër, burime nga Pro Liga Saudite kanë thënë që do të ishte shumë “befasi nëse futbollisti të kalonte në këtë ligë gjatë kësaj vere”.
Greenwood thuhet se dëshiron të rrijë në Angli, me dy skuadra nga Championshipi që kanë treguar interes për të. Megjithatë, të dyja këto skuadra tani kanë vendosur kundër kësaj lëvizje. United ka shprehur dëshirën për ta ndihmuar Greenwoodin për të gjetur klub të ri, me skuadrat nga Turqia dhe Italia që kanë qenë të interesuar për të në të kaluarën.
