Ish-kryeministri i Kosovës, Avdullah Hoti, vlerëson se Qeveria nuk ka bërë asnjë veprim për të zbutur ngarkesën për qytetarët, duke listuar edhe të dhënat se si janë rritur çmimet në krahasim me vitin e kaluar.
Me anë të një postimi në Facebook, ai u shpreh se çmimet në qershor 2022 u rritën mesatarisht 14% krahasuar me qershorin e vitit të kaluar, dhe se për produktet kryesore rritja ishte shumë më e madhe.
Përveç kësaj, Hoti theksoi se për çdo litër të naftës Qeveria mbledh 61 centë dhe se sikur të pezullonte akcizën në naftë, sot çmimi i naftës do të bëhej 1.39 euro për litër.
“Nuk është pezulluar akciza në naftë, nuk është shtuar lista e mallrave me TVSH prej 8%, nuk janë rritur pagat në sektorin publik, nuk janë indeksuar pensionet dhe ndihma sociale” shkroi mes tjerash ai në postimin e tij në Facebook.
