Qendra Kombëtare për Menaxhimin Kufitar ka njoftuar për pritje goxha të gjata të mërgimtarëve në disa prej pikëkalimeve kufitare të Kosovës.
Sipas përditësimit të fundit të kësaj qendre, koha e pritjes për të hyrë në Kosovë në pikëkalimin e Dheut të Bardhë dhe në Merdarë është nga 50 minuta deri në një orë, derisa pritjet për dalje nga Kosova janë deri 25 minuta.
Megjithatë, situata ndryshon në pikat kufitare të tjera, ku qarkullimi është shumë më i lehtë. Pritjet për të hyrë e për të dalë nga Kosova në pikat kufitare të tjera janë vetëm prej 3 deri në 5 minuta.
Për mërgimtarët që përdorin pikëkalimet e Dheut të Bardhë dhe Merdarës, kjo ka qenë po thuajse një sfidë e vazhdueshme.
Sipas Qendrës Kombëtare për Menaxhimin Kufitar, në këto dy pika kolona e automjeteve shkon deri në gjysmë kilometri.
