Instituti Hidrometeorologjik i Kosovës (IHK) bën të ditur se sot do të mbajë mot me diell dhe vapë, ndërkaq parashihet të jetë dita më e nxehtë e javës së fundit të korrikut.
IHK njofton se temperaturat minimale do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 33-39 gradë Celsius.
Do të fryjë erë e lehtë drejtimesh të ndryshme. Do të fryjë erë kryesisht nga jugperëndimi e lehtë deri mesatare.
Indeksi UV mbetet i lartë , prandaj apelohet respektimi i këshillave të IKSHP.
Sipas llogaritjeve të vlerave të temperaturave maksimale, ky muaj do të jetë ndër muajt më të nxehtë për shumë vite të fundit.
