Ambasadori gjerman në Kosovë, Jörn Rohde nëpërmjet një cicerime në Twitter ka bërë të ditur se mbi 30 studentë sivjet kanë qenë bursistë të Bursës Ndërkombëtare të Parlamentit, e të cilët ndikojnë në zhvillimin e demokracisë në Kosovë.
“Viola Salihi dhe Learta Hajzeraj janë dy nga më shumë se 30 kosovaret që ndoqën me sukses Programin IPS të Bundestagut. Shumë nga IPS-Alumni po luajnë rol të rëndësishëm në zhvillimin e demokracisë së re në Kosovë sot. Kjo është diçka për të cilën ne jemi shumë krenarë!”, ka shkruar Rohde.
Bundestagu gjerman ndan çdo vit Bursën Ndërkombëtare të Parlamentit për absolventë, të cilët janë të interesuar në politikë të ndjekin studimet në “Humboldt Universität zu Berlin”. Pjesa kryesore e IPS-së është një bashkëpunim tremujor me një anëtar të Bundestagut gjerman. Bursistët me këtë rast përfshihen në mënyrë aktive në punë brenda një zyreje të një deputeti gjerman.
Viola Salihi and Learta Hajzeraj are two of more than 30 Kosovars who successfully attended the IPS-Programme of the ?? Bundestag. Many of the IPS-Alumni are playing important roles in the development of Kosovos young democracy today. This is something we are very proud of! 1/2 https://t.co/30DHeRKt33
— Ambassador Jörn Rohde (@GermanAmbKOS) July 24, 2023
