Daut Mehmetit dhe Arbnor Rifatit u është caktuar masa e arrestit shtëpiak në kohëzgjatje prej 30 ditësh.
Gjykata Themelore në Prishtinë e ka marrë vendimin të dielën.
Arbitri i basketbollit Mehmeti dhe trajneri Rifati janë arrestuar të premten me dyshimin se janë të përfshirë në kurdisje të ndeshjeve të basketbollit.
Ata kanë qenë në mbajtje për 48 orë. Masa e propozuar nga prokurori i rastit ishte një muaj paraburgim.
Arbitri Mehmeti javë më parë u përjashtua nga basketbolli me vendim të FIBA-s, për kurdisje të ndeshjeve në Ligën Ballkanike. Të dyshimta janë edhe ndeshje të Superligës së Kosovës dhe të Ligës Unike. Rifati ka qenë trajner shumëvjeçar te Ponte Prizreni dhe së fundi drejtues i këtij klubi të basketbollit.
