Drejtoria për Hetimin e Krimeve Ekonomike në rajonin e Pejës sot ka arrestuar një mbikqyrës të lartë të njësisë së gardianëve në Burgun e Dubravës.
Sipas burimeve të KosovaNews arrestimi i eprorit të lartë ka ndodhur sot në orët e paradites.
Policia e Kosovës pas një hetimi të gjatë ka siguruar prova se mbikëqyrësi i lartë me inicialet Sh.G. i njëjti ka keqpërdorë pozitën zyrtare, ku ka marrë ryshfet dhe ka futur substanca narkotike brenda në institucionin ku ai punon pra në Burgun e Dubravës.
Po sipas burimeve, mbikëqyrësi i gardianëve kishte pranuar shuma parash deri në 1880 euro nga familjarët e të burgosurve në mënyrë që t’u mundësohej atyre të futin drogë në Burgun e Dubravës.
Me urdhër të prokurorit i njëjti është dërguar në mbajtje prej 48 orësh, deri në marrjen e një vendimi tjetër nga organet e drejtësisë.
