Stuhia e erës dhe shiu ka përfshirë tashmë të gjithë territorin e Shqipërisë. Kjo ka bërë që të boshatisen plazhet dhe të shkatohen probleme në qarkullimin e mjeteve.
Meteorologia shqiptare, Laida Poria thotë se më problematike do të jetë era, ku stuhitë do të jenë prezente pothuajse në të gjithë territorin.
“Nga reshjet, më problematike do të jetë zona jugore dhe juglindja e vendit, ku do të ketë stuhi breshëri dhe stuhi të forta ere. Duhet pasur kujdes gjatë natës, sidomos në zonat përgjatë luginës së Drinit, ku era do të fryjë deri në 65 km/orë”, tha mes tjerash ajo.
Kurse, pronarët e plazheve kanë zgjedhur që çadrat dhe shezlongët t’i mbyllin dhe t’i sigurojnë nga era e fortë bregdetare e cila vijon prej disa orësh në bregdet.
Largimi i pushuesve dhe turistëve ka shkaktuar trafik në rrugë, sidomos në segmentet dalëse të qyteteve
