Ministrja e Industrisë, Ndërmarrësisë dhe Tregtisë, znj. Rozeta Hajdari sot ka vizituar qytetin e Pejës i cili mbrëmë pësojë goditje të madhe nga vërshimet ku pati edhe të vdekur.
Ministrja Hajdari së bashku me zv.ministrin e Ministrisë së Arsimit, Shkencës, Teknologjisë dhe Inovacionit, njëherit Kryetar i Degës së Lëvizjes Vetëvendosje në Pejë, z. Taulant Kelmendi me Asambleistë e Aktivistë të tjerë ishin për ngushëllime edhe në familjen Ademaj në Pejë të cilët humbën më të dashurit e tyre mbrëmjen e kaluar. Ajo tha se situata vazhdon të jetë e vështirë edhe sot, për shumë familje e biznese të cilat kanë mbetur edhe pa rrymë dhe janë dëmtuar materialisht.
Ministrja Hajdari tha se mekanizmat e Qeverisë së Republikës së Kosovës janë të angazhuar me të gjitha kapacitetet që të ndihmojnë tejkalimin e kësaj situate.
