Ministri i Administrimit të Pushtetit Lokal (MAPL), Elbert Krasniqi e ka takuar sot kryetari e Komunës së Leposaviqit, Lulzim Hetemin.
Krasniqi këtë e bëri të ditur përmes një statusi në rrjetin social në Facebook, duke treguar po ashtu se Hetemi ka emëruar katër drejtor në komunën që ai drejton.
“Në takim me Kryetarin e Komunës së Leposaviqit, Lulzim Hetemin, diskutuam për zhvillimet në Komunë me ç’rast Kryetari më njoftoi për vendimet e fundit.
Kryetari Hetemi, ka vazhduar me plotësimin e kabinetit të tij, si rrjedhojë ka emëruar drejtorë në drejtoritë përkatëse: Sretena Bojovic, Andjela Simic, Valton Peci dhe Arjeta Tahiri”, ka thënë Krasniqi.
Tutje ministri Krasniqi ka falënderuar Hetemin për përkushtimin e tij që të punojë së bashku me kabinetin e tij për të gjithë qytetarët pa asnjë dallim.
