Shefja e Grupit Parlamentar e Lëvizjes Vetëvendosje, Mimoza Kusari-Lila tha se me kidnapimin e policëve, Serbia dëshmoi edhe njëherë brutalitetin, agresivitetin dhe qëllimin për destabilizim.
Sipas saj, Kuvendi i ka për detyrë të mbrojë sovranitetin, integritetin dhe të respektojë kushtetutshmërinë, duke e dënuar aktet siç tha ajo barbare si ajo e kidnapimit të policëve.
“Dita e djeshme presidentja e Kosovës mbajti fjalimin historik në Parlamentin Evropian, duke prezantuar Kosovën me ngjyrat dhe mënyrën më të mirë të mundshme. Në të njëjtën ditë presidenti i Serbisë është krah për krahë më ambasadorin e Rusisë duke festuar ditën e Rusisë”.
“Në të njëjtën ditë Kosova vazhdon masën e paraburgimit për një kriminel që ka sulmuar KFOR, qytetarët, vazhdon masat e paraburgimit për të, në të njëjtën ditë Serbia hyn brenda territorit të Kosovës, cenon sovranitetin dhe arreston tre policë kufitar të Kosovës. Nuk ka barazim në këto procese, nuk ka barazim dhe nuk ka thirrje për palët”, tha ajo.
