Policia e Kosovës njofton se në orët e hershme të mëngjesit të sotëm e ka ndaluar një person, i cili është regjistruar duke vozitur veturën e tij me shpejtësi 215 km/h.
“Më datën 25.05.2023 rreth orës 04.00 shoferi i veturës Audi, ka tejkaluar patrullën e trafikut në rrugën nacionale Prishtinë-Mitrovicë, duke arrit shpejtësinë e veturës në 215 km/h, në zonën e kufizimit 80”, thuhet në njoftim.
Tutje bëhet e ditur se në bashkëpunim me patrullën e rajonit të Mitrovicës është ndaluar ngasësi i automjetit në fshatin Gracë dhe se ndaj shoferit janë ndërmarrë masat ligjore.
Kujtojmë se për këtë shpejtësi të zhvilluar gjobat janë prej qindra eurove dhe se merret patente- shoferi së paku për një vit.
Varësisht nga situata rasti edhe mund të shkojë në gjykatë për trajtim.
