Gruaja e parë astronaute nga Arabia Saudite tashmë ka mbërritur në Stacionin Ndërkombëtar Hapësinor.
Rayyanah Barnawi është një nga dy sauditët që udhëtoi me raketën SpaceX Falcon 9 për të marrë pjesë në misionin e dytë privat të Axiom.
Gjatë qëndrimit të saj 10 ditor në orbitë, shkencëtarja 34 vjeçare pritet të kryejë disa kërkime për qelizat steminale dhe kancerin e gjirit.
Në një video të shpërndarë nga hapësira përpara se të mbërrinte në Stacionin Hapësinore Barnawi shprehej “Iu them të gjithë njerëzve anembanë botës se e ardhmja është e shndritshme. Iu bëj thirrje të vijoni të ëndërroni dhe të besoni te vetja dhe njerëzimi”.
Gjatë kohës së tyre në laboratorin orbital, ekuipazhi do të kryejë më shumë se 20 eksperimente shkencore dhe teknologjike, duke përfshirë pasojat e hapësirës në shëndetin e njeriut.
