Tri ligat e mëdha evropiane, Premier League, La Liga dhe Ligue 1 rikthehen sonte me disa duele interesante
Elita angleze vjen me derbin londinez Arsenal-Chelsea, sfidë kjo që luhet në ‘Emiratës’.
‘Topçinjtë’ që ende shpresojnë në garën për titull të kampionit, synojnë fitoren ndaj ‘Bluve’ të Londrës, në një ndeshje që pritet të sjellë sfidë dramatike.
Ndërkohë, La Liga vazhdon sonte me tri ndeshjet e javës së 33-të, ku spikasin përballjet Barcelona-Osasuna (19:30) dhe Real Sociedad-Real Madrid (22:00).
Ligue 1 rikthehet sonte me duelin Toulouse-Lens, ndeshje kjo që luhet në kuadër të javës 33-të, takim që fillon në orën 21:00.
